ព័ត៌មាន

ព័ត៌មានទូទៅ​

• EDOTA បន្ទាយស្រី​: លោក ភួង សាវុន​  ទូរស័ព្ទ​: +855 (0) 12 981932 / +855 (0) 69 358180​
• អ៊ីម៉ែល: edotabanteaysrei@gmail.com

• លោក សៀន សារឿន​ ទូស័ព្ទ​: +855 (0) 97 9412832 / +855 (0) 86 595402​
• លោក ប៊ុន ណារា  ទូស័ព្ទ​: +855 (0) 10 253106
• លោក ឧត្តម ទូស័ព្ទ​: +855 (0) 70 340231

ផ្ទះស្នាក់​លំដាប់ប៊ូទិក

• ផ្ទះស្នាក់​ចក្រវាល   ទូស័ព្ទ​: +855 (0) 12 429950
• ផ្ទះវីលាបន្ទាយស្រី   ទូស័ព្ទ​: +855 (0) 88 9888409

កន្លែងទស្សនា

• មជ្ឈមណ្ឌល​អភិរក្ស​ជីវៈចម្រុះ​អង្គរ (ACCB; www.accb-cambodia.org)
• មជ្ឈមណ្ឌល​មេអំបៅបន្ទាយស្រី (BBC; www.angkorbutterfly.com)
• សារៈមន្ទីរមីនកម្ពុជា ​(CLM; www.cambodialandminemuseum.org)

ប្រាសាទបន្ទាយស្រីមានចំងាយប្រមាណ៣២គីឡូម៉ែត្រពី​ក្រុងសៀមរាប។ តំបន់​ដែលជាគោលដៅទេសចរណ៍ស្ថិតនៅ​ឆ្ងាយពីក្រុង ចន្លោះពី ១៥គីឡូម៉ែត្រ (​​ត្រឹមភូមិព្រះដាក់​​) ទៅ ៥០គីឡូម៉ែត្រ ​(ដល់ក្បាលស្ពាន) ។ មានមធ្យោបាយធ្វើដំណើរជាច្រើនប្រភេទ សម្រាប់ ភ្ញៀវទេសចរណ៍។ ​ សូមយកចិត្តទុកដាក់​ចំពោះកក្តាអាកាសធាតុ ពេលធ្វើ​ផែនការដំណើរកំសាន្ត​ ដោយសារ​កម្ពុជាមាន៣រដូវកាលផ្សេងៗពីគ្នា​៖ រដូវរងា   (វិច្ឆិកា-កុម្ភៈ) រដូវក្តៅ(មីនា-ឧសភា) និងរដូវភ្លៀងធ្លាក់(មិថុនា-តុលា)។ មធ្យោបាយធ្វើដំណើរមួយចំនួនមិនអាចប្រើការក្នុងរដូវភ្លៀងទេ។ សូមរង់ចាំថា កំដៅព្រះអាទិត្យតំបន់ត្រូពិកមានកំដៅខ្លាំងពេញមួយឆ្នាំ ដូចនេះត្រូវការ​ពារពន្លឺ​  ជាពិសេសនៅពេលអ្នកជិះកង់ ឬ​ម៉ូតូ។

ស្រុកបន្ទាយស្រីឋិតនៅឆ្ងាយពីក្រុងដែលពិបាកបន្តិចចំពោះការជ្រើសរើសការធ្វើដំណើរដោយថ្មើរជើង ប៉ុន្តែពេលទៅដល់​ស្រុក មានថ្មើរជើងកំសាន្តជាច្រើន ដូចជា ​ការដើរទស្សនាភូមិ និង​តំបន់​ជនបទ ដើម្បី​ស្វែងយល់ពីជីវិតរបស់​ប្រជាជន​ ព្រមទាំងមានការដើរកំសាន្ត​តាមព្រៃភ្នំដែលជាទីកន្លែងសក្ការៈបូជា ដូចជា នៅក្បាលស្ពាន និងភ្នំគូលែន ជាដើម​។

អាចជិះកង់ទៅ​ស្រុកបន្ទាយស្រីបាន សម្រាប់ដំណើរ​កម្សាន្តរយៈពេល១ថ្ងៃ ឬក៏ត្រូវស្នាក់នៅទីនោះពេលយប់។ ក្នុងក្រុងសៀមរាប មានកង់ជិះឡើងភ្នំ​ទំនើបៗសម្រាប់ជួល ​ ​ដូចជាកង់ដែលដើរដោយអាគុយប្រសិនបើអ្នកមានអារម្មណ៍ថាហត់ហើយមិនចង់ធាក់ដោយជើង។ ភ្ញៀវក៏អាចរកជួលកង់នៅតាមផ្ទះស្នាក់មួយចំនួនក្នុងស្រុកដែលជាជម្រើសងាយស្រួលចំពោះការកម្សាន្តតាមស្ថានភាពដែលខ្លួនចង់បាន។

ភ្ញៀវបរទេស មិនត្រូវបាន​​អនុញ្ញាតិឲ្យ​ជិះម៉ូតូ​នៅក្នុងក្រុងសៀមរាបនោះទេ​ ប៉ុន្តែអាចរកជួលម៉ូតូឌុបបាន​គ្រប់ ទីកន្លែង។ អ្នករត់ម៉ូតូឌុបភាគច្រើនមានចំណេះដឹង និងអាចរៀបរាប់ប្រាប់បានខ្លះៗអំពីប្រវត្តិប្រាសាទនៅក្នុង​ស្រុកបន្ទាយស្រី ដោយពួកគាត់មើលទៅដូចជាអ្នកមគ្គុទេស៍​ក្រៅផ្លូវការម្នាក់។ ចំពោះម្ចាស់ផ្ទះស្នាក់ខ្លះ អាចផ្តល់ម៉ូតូមួយគ្រឿងដល់ភ្ញៀវសម្រាប់ការជិះកំសាន្តពីកន្លែងមួយទៅកន្លែងមួយទៀតនៅក្នុងស្រុកបន្ទាយស្រី​។

រ៉ឺម៉កកង់បីគឺមានម៉ូតូមួយគ្រឿងដែលសណ្តោងកន្ទុយរ៉ឺម៉កពីក្រោយដែលអ្នកដំណើរច្រើនហៅថា តុក តុក ឬមួយចំនួនហៅយ៉ាងខ្លីថា រ៉ឺម៉ក។ វាជាប្រភេទយានជំនិះម្យ៉ាងដែលពេញនិយមសម្រាប់ការធ្វើដំណើរជា លក្ខណៈឯកជន ហើយអាច​ការពារពេលអាកាសធាតុមិនល្អ​។ អ្នកបើកបររ៉ឺម៉កកង់បីមួយចំនួនក៏អាចជា អ្នកមគ្គុទេស៍ក្រៅផ្លូវការផងដែរ ហើយពួកគាត់ស្គាល់ទីតាំងច្បាស់។ មានអ្នករត់រ៉ឺម៉កកង់បីមួយចំនួនស្គាល់ស្រុកបន្ទាយស្រីច្បាស់លាស់ ហើយក៏ជាអ្នកបំរើការឱ្យផ្ទះស្នាក់ផងដែរ។

តាក់ស៊ី ឬឡានឯកជនអាចរកជួលបាននៅតាមផ្ទះសំណាក់ សណ្ឋាគារ និង ក្រុមហ៊ុទេសចរណ៍នានា​ក្នុងខេត្តសៀមរាប។ ទាំងនេះគឺជាជម្រើសដ៏ល្អសម្រាប់​គ្រួសារ ឬ​ភ្ញៀវដែលចង់បានការការពារ​នៅពេលអាកាសធាតុមិនល្អ។ ឡានឯកជនអាចប្រើប្រាស់​ដើម្បីដឹកជញ្ជូនភ្ញៀវពី​ក្រុងសៀមរាបទៅ​ស្រុកបន្ទាយស្រី ឬ ដឹកកំសាន្ត   រយៈពេល ១ថ្ងៃ តាមគោលដៅទេសចរណ៍នានានៅក្នុងស្រុក​។ ម្ចាស់ផ្ទះស្នាក់​មានលទ្ធភាព​រៀបចំ​ឡាន​​ដើម្បីជិះកំសាន្តក្នុងតំបន់នោះបាន។​ 

ឡានក្រុងធុនតូចគឺជាជម្រើសដ៏ល្អសម្រាប់គ្រួសារ ឬក៏ក្រុមភ្ញៀវដែលចង់ទស្សនាស្វែងយល់​ពីស្រុកបន្ទាយស្រី។ ការប្រើប្រាសើឡានដែលមានចំនួនកៅអីអង្គុយរហូតដល់១០សម្រាប់​ទស្សនា​កន្លែងផ្សេងៗ គឺ​​ជា ជំរើសចំណាយដ៏មានប្រសិទ្ធ​ភាព។ ផ្ទះសំណាក់ សណ្ឋាគារ និង ក្រុមហ៊ុទេសចរណ៍នានាក្នុងក្រុងសៀមរាប អាចជួយរៀបចំឡានក្រុងធុនតូចប្រភេទនេះ​សម្រាប់ដំណើរកំសាន្តរយៈពេល១ថ្ងៃ ឬ​ច្រើនថ្ងៃតាមតម្រូវការ។

ប្រជាជនកម្ពុជា គឺជាមនុស្ស​បែបអភិរក្សនិយម ហើយ​អ្វីដែល​អាចទទួល​យក​បាន​នៅ​ក្នុង​ប្រទេស​របស់អ្នក អាចមានលក្ខណៈមិនសមរម្យ​នៅប្រទេស​កម្ពុជា។ 

ស្លៀកពាក់​​សមរម្យ

សំលៀកបំពាក់ខ្លីៗ និងអាវវៀលខ្លៀកអាចទទួលសម្រាប់ដំណើរកំសាន្ត​នៅ​​​ឆ្នេរសមុទ្រ តែមិនសមរម្យសម្រាប់ក្នុងក្រុង ឬជនបទ ​ទោះបីជាថ្ងៃក្តៅក៏ដោយ។ សូមព្យាយាមស្លៀកពាក់សមរម្យ។ ដើមដៃ និងជើងសូមស្លៀកឱ្យជិត ជាពិសេសនៅកន្លែង​សាសនា ដូចជាប្រាសាទបន្ទាយស្រី ជាដើម។

ត្រាប់កាយវិការដែលត្រឹមត្រូវ

ជនជាតិខ្មែរស្វាគមន៍គ្នាដោយការសំពះ ដោយលើកដៃទាំងពីរផ្គុំព្រមគ្នាហើយអោនបន្តិចដោយគោរព ។ ក្នុងការបង្ហាញការគោរពកាន់តែខ្លាំងជាងនេះអ្នកត្រូវលើកដៃសំពះ​ឱ្យខ្ពស់ជាងមុនហើយបន្ទន់ខ្លួនឱ្យទាប          បន្តិច។ រក្សាដៃរបស់ដែលសំពះនោះចុះក្រោមនៅពេល​ចង់រាក់ទាញនរណាម្នាក់ដែល​​ដើរមកកាន់អ្នក។ 

រៀនពាក្យខ្មែរមួយចំនួន ​

សូមព្យាយាមរៀនពាក្យខ្មែរមួយចំនួន​ពេលដែលអ្នកស្នាក់នៅក្នុងស្រុកខ្មែរ។ អ្នកស្រុកទំនងជាអាចសើចនឹងសូរស័ព្ទដែលអ្នកនិយាយ ប៉ុន្តែពួកគាត់នៅតែគោរព​អ្នកដែលព្យាយាមនិយាយ។ ចេះនិយាយភាសារខ្មែរ​ ​ផ្តល់​ប្រយោជន៍ដល់អ្នក​ដើម្បីទទួលបានការចុះតម្លៃនៅពេលដែលអ្នក​តថ្លៃអ្វីមួយនៅទីផ្សារ។ សូមមើល    សន្ទានុក្រមខ្មែរដើម្បីចាប់ផ្តើមរៀន។

សូមដោះស្បែកជើងរបស់អ្នក

នៅពេលដែលអ្នកចូលទីកន្លែងសក្ការៈបូជា ឬក៏ផ្ទះនរណាម្នាក់(កន្លែងលក់ដូរផ្សេងៗ) សូមដោះស្បែកជើងរបស់អ្នកដោយទុកនៅខាងក្រៅ។

​​សូមប្រើដៃទាំងពីររបស់អ្នក

ប្រើដៃស្តាំ ឬយកល្អ ប្រើ​ដៃទាំងពីររបស់អ្នក ពេលដែល​អ្នកហុចរបស់​អ្វីមួយទៅនរណាម្នាក់។ ប្រសិនបើអ្នកប្រើដៃស្តាំ អ្នកត្រូវយកដៃឆ្វេងមកប៉ះកែងដៃស្តាំ​ក្នុពេលហុច​ ឬទទួលអ្វីមួយ។

សូមកុំធ្វើអ្វីដែលប៉ះពាល់ដល់អ្នក​ដទៃ

សូមកុំរិះគន់អ្នកដ៏ទៃទោះបីជាគេមានកំហុស និងជាពិសេសក្នុងទីសាធារណៈដែលធ្វើឱ្យគេបាក់មុខ។ អ្នកគ្រាន់តែញញឹមដោយសង្កៀតធ្មេញ និងសំពះលាគេទៅ។

សូមកុំឱ្យរបស់ផ្អែមៗដល់ក្មេងៗ

សូមកុំឱ្យរបស់ផ្អែមៗ ឬក៏ស្ករគ្រាប់ទៅដល់ក្មេងៗដែលធ្វើឱ្យពួកគេខូចធ្មេញ និងលើកទឹកចិត្តឲ្យមានការសុំ​ (និង​ខ្វះអាណាព្យាបាល) ពីក្មេងៗ។

​ពិសារអាហារជាគេលក្ខណៈគ្រួសារ

សូមចូលរួមទទួលទានអាហារជាមួយគេ ប្រសិនបើមានការអញ្ជើញ។ វាជាទំនៀមទំលាប់ក្នុងការរំលែកអាហារពីចានគោម និងដួសសម្លដោយស្លាបព្រាបាយទៅក្នុងចានបាយរបស់អ្នក។ សូមពិសារដោយទុកម្ហូបតិចតួចក្នុងចានដើម្បី​បង្ហាញថាអ្នកឆ្អែតហើយ បើពុំនោះទេគេនឹងបន្តដាក់បាយឱ្យអ្នកទៀត។

​ទំលាប់ល្អក្នុងការប្រើប្រាស់អគ្គីសនី

សូមសាកសួរម្ចាស់ផ្ទះតើពេលណាខ្លះដែលមានអគ្គសនី ពីព្រោះ​មិន​មានការផ្គត់ផ្គង់អគ្គិសនី​២៤ម៉ោងក្នុងតំបន់ជនបទនោះទេ។ សូមកុំបើកភ្លើងចោលនៅពេលយប់ដោយសារភ្លើងថ្លៃ។

• hello (formal) = chum ree-up soo-a ជុំរាបសួរ
• hello (informal) = soo-a s’day  សួរស្តី
  
• how are you? = sok sa bai?  សុខសប្បាយ?
  
• excuse me = som dtoh  សុំទោស
  
• I would like = k’nyom som...  ខ្ញុំសុំ..
  
• please = som  សូម
  
• thank you = or-kuhn  អរគុណ
  
• the bill please = som ket loi  គិតលុយ
  
• chicken = sait mowan  មាន់
  
• pork = sait jerook  សាច់ជ្រូក
  
• beef = sait gow  សាច់គោ
  
• fish = trei  ត្រី
  
• rice = bai  បាយ
  
• fried = cha  ឆា
  
• grilled = ang  អាំង
  
• roasted = dot ដុត
  
• water = tuk sot ទឹក
  
• ice = tuk kork  ទឹកកក
  
• beer = beer  ស្រាបៀរ
  
• red wine = srah krohom  ស្រាក្រហម
  
• white wine = srah sor  ស្រាសរ
  
• cola = coca  កូកា
  
• coffee (hot) = ka-fei (gdouw)  កាហ្វេ (ក្តៅ)
  
• coffee (iced) = ka-fei (tuk kork)  ការហ្វេ (ទឹកកក)
  
• tea = dtai  តែ
  
• milk = tuk duh goh  ទឹកដោះគោ
  
• butter = buuh  ប៊រ
  
• lemon = kroit chhmar  ក្រូចឆ្មា
  
• sugar = skor  ស្ករ
  
• sugar cane juice = tuk umpow  ទឹកអំពៅ
  
• 1 = Moi  មួយ
  
• 2 = Bee  ពីរ
  
• 3 = Bye  បី
  
• 4 = Boon  បួន
  
• 5 = Bram  ប្រាំ
  
• 6 = Bram Moi  ប្រាំមួយ
  
• 7 = Bram Bee  ប្រាំពីរ
  
• 8 = Bram Bye  ប្រាំបី
  
• 9 = Bram Boon  ប្រាំបួន
  
• 10 = Dop  ដប់
  
• 100 = Roi  រយ
  
• 1000 = Poan  ពាន់